Sermon Note:
Topic: KHA GALDONA (SPIRITUAL WARFARE)
Rev. Muana Khuptong
Laisiangtho Text:
EFESA 6:10-20
10,Tu a kipanin Topa tawh na kipawlna uh le ama vangliatna hangin na tha uh khauhsak ta un.
11,Dawimangpa’ hong hih nading khempeuh na dalzawh nadingun Pasian’ galvan namkim na zang un.
12,Eite’ do pen leitung mite hi lo a, vantung huihlakah a om ukna, aana a neite, hih leitung khuamial a uk a tuamtuamte ahi hi.
13,Tua ahih manin hun haksat hun hong tun ciangin galte’ hong suknateng khempeuh nangzo-in, a tawpna-ah a gualzo na hih theih nadingun Pasian’ galvan namkim na zang un.
14,Tua ahih ciangin kawnggak gak bangin thutak zang unla, awmdal bulh bangin thuman zang unla,
15,kithawi a khedap bulh bangin Lungdamna Thu a hilhkhia dingin kiging un.
16Tua banah, dawimangpa’ hong kapna thaltang kuangte
na sukmit nadingun lum puak bangin upna na nei tawntung un.
17Siklukhu khuk bangin hotkhiatna nei unla, Kha Siangtho in a hong piak Pasian’ thu pen namsau zat bangin na zang un.
18Kha Siangtho tawh kopin a tawntungin Pasian kiangah na kisapna khempeuh uh ngenin na thum unla, tatsat loin Pasian mi khempeuh a dingin thu na ngetsak un.
19Thu ka hilhtheih hun ding ciangin lungdamna thusim hangtakin ka hilhkhiat theih nadingin Pasian in ka thugen ding hong hilh nadingin kei a dingin zong thu na ngetsak ta un.
20Pasian’ thu genin taangmi ka sepna hang mahin sikkhau khihna thuakin thongkia ka hih manin ka hilh dingin a kilawm bangin hangtakin ka gen ngam nadingin thu hong ngetsak ta un.
Introduction:
Zeisu gumpa leh Topa a isan ni a kipan, dawimangpa in a gal in hong ciamteh pah hi.
Christian nuntak na pen, Playground (kimawlna tualpi) hilo in Battleground (galphual) a om ihi hi.
Sawltak 26:18
Pasian’ teel mite’ omna mun a amau om nading mun sanah hong om theih nadingun keimah hong upna uh tawh a mawhna uh a kimaisak theihna dingin Satan’ khutsung panin Pasian’ khut sungah a heikhia ding le khuamial panin khuavak lamah hei-in a mit uh khua a musak ding pa na hi hi,’ a hong ci hi.
2 Tim 2:26 “Dawimangpa in ama deihbang a sem ding in mite mancip”
1), Dawimangpa lungkimlo hi.
Zeisu umte suksiat sawm in Satan leh a nungzui ten thu-um mite thanem nang in nasem uh hi.
Thuzui mite pen Galdo ihi den hi.
Gal Kidona pen hoihlo a bat hang A hoih in a hoihlo do kul hi.
Gentehna: War World II ah USA kihelna.
Paul in Timothy kiangah “Khazih galkap hoih na hi in” 2 Tim 2:3 ci hi.
2 Tim 4:6-8
6,Kei ka hih leh Pasian biakna-in hong kipiak ding hun hong tungta hi. Hih leitung nuntakna ka nusiat ding hun hita hi. 7,Kidemna-ah ka hat tawpin ka hih khin a, a mong dongin ka tai khin a, upna thu khotakin lenin ka zokhin hi. 8,Thu a manin a khen Topa in tua Ni ciangin kei a hong piak ding thuman lukhu ahi gualzawhna thaman in tu-in kei hong ngak gige hi. Kei tung bekah a hong pia ding hi lo a, ama hong paikik ding itna tawh a ngakte khempeuh tungah zong a pia ding ahi hi.
2) Church, Pawlpi in khagal ido kul hi. I gal pen mi hilo, Satan ahi hi. Pawlpi in bawlsiatna thuak mah mah hi.
“The Church is the sleeping giant” “Pawlpi pen sahang ihmu toh kibang ahi hi.”
Matt 16:18 ah Zeisu in Ka Pawlpi ka lam ding a, (gates of hell) sihna na ngawn in zo ngeilo ding hi.
Satan in day off la ngeilo ahih manin en zong Pasian galvan temporary hilo, permanent a I silh kul hi.
3) Khasiangtho tawh kidim mi ten Ze-etna, khemna, haksatna thuak hi.
Matthai 4:1 “Tua ciangin Dawimangpa’ ze-etna a thuak dingin Kha Siangtho in gamlakah Jesuh a paipih hi.”
Satan pen mun khempeuh ah omlo, na khempeuh theilo, ei kiphalna ciang ciang bek hong khem thei. Kawngkhak I hon leh bek lut thei. 1/3 kia, 2/3 om lai (Rev 12:4). Gualzo ve ve.
4) Galdona in Topa galdona hi a, Gualzawhna in Topa a’ ahi hi.
1 Samuel 17:47
“..Topa in namsau le teipi tawh a hotkhiat lohna thu hih lai-a a om khempeuh in a theih nading ahi hi. Bang hang hiam cih leh galdona pen Topa a’ hi a, amah in kote’ khut sungah note hong pia ding hi,” a ci hi.”
1 Johan 4:4
“..Bang hang hiam cih leh leitung mite a panpih dawimangpa sangin note hong ompih Pasian vanglian zaw hi.”
Isaiah 54:17
“Nangmah do nadingin a kibawl hiam peuhmah maavang lo ding hi.”
2 Korin 4:7-9
Ahih hangin tua a lian mahmah vangliatna in kote aa hilo in Pasian aa ahihlam a kilat nadingin leibel tawh a kibang kote pumpi sungah a manpha mahmah tua vangliatna ka nei uh hi. Mun tuamtuam panin netcipna ka thuak uh hangin ka kisia kei uh hi. Ka lungman uh hangin ka lungsim uh a bei kei hi.
Hong kibawlsiat hangin hong kinusia kei hi. Hong kisattuk hangin hong kisusia zo kei hi.
Kolose 2
14,Eite a dingin a hoih lo, i mawhna a kiciamtehna khempeuh, hong phiatsak a, tuate khempeuh singlamteh tungah kilhcipin a beisak ta hi.
15,Amah in huihlak a ukte le vangliatna a nei khempeuh, singlamteh tungah zogawp khin a, galzote in a sal matte a kaih uh bangin mi khempeuh muhin a gualzawhna a lak hi.
Topan mimal kim khatciat thupha hong pia ta hen! Amen.
