PAWLPI BYLAW LEH THUKHUN TE MIPI MUH THEIH DING IN KI HOIH HI:
ZOMI BETHEL CHURCH
December 26, 2021 General meeting a amendment kipsak:
Thukhunpi leh Kalsuanpih ding thute (Constitution &Bylaw)
ARTICLE I: KIPAWLNA MIN:
Kipawlna min ding in Zomi Bethel Church kici dinga, Laisiangtho thubulphuh ding pen “Hih mun in Pasian Inn ahi hi (This place is the house of God)” (Piancil 28:11-22) kici ding hi.
ARTICLE II: OMNA MUN:
Biakna omna pen Portland Oregon khuapi sung hi ding a, USA gamsung state tuam tuam pan hong kizom nuam a om leh PAWLPAWM member in kisang ding hi. Portland Oregon pan a state dang a kisuan khia te ZBC member ahi nawnlo (member ahihna pana a tawp) te in pawlpi tung pan nopna dahna ah hamphatna ngah theilo ding hi.
ARTICLE III: NGIMNA LEH TUPNA:
1. Portland khuapi sung a om Zomi ten a nungta Pasian biakhawm ding
2. Zomi ihihna (identity) limtakin Laisiangtho bulphuh in kem den ding.
3. Thu-um mi khempeuh kipawl khawm in Pasian gama ding in Mission na sem khawm ding.
4. Khat le khat khut kilen in Topa zahtakna tawh kalsuan khawm ding
5. Khasiangtho lamlahna limtakin zui dimg.
6. Pastor makaihna tungtawn in Pasian pawlpi hi ding.
7. Biakpiakna leh piakkhiatna man tawh kalsuan den ding
ARTICLE IV: PAWLPI MI SUAH THEIHNA
1. Pasian thusungah kician takin a nungta mi hi ding.
2. Pawlpi ngim le tup te hoih takin a zui thei mi hiding.
3. Sawm-a-khat mantakin a khia nuamte hi ding.
4. Pawlpi nasepna khat peuh peuh ah a thalawp thei te hi ding.
5. Pastor, Upate leh makai te tawh a kithuah thei mi hiding.
6. Pasian gam a ding in a ma pang nuam mi hiding hi.
7. Member fee $ 5.00 pia mi hi ding hi.
ARTICLE V: PAWLPI PAN TAWPNA
1. Pawlpi phalna tawh mundang a pai te
2. Pawlpi phalna tawh a kikhen te
3. A site
4. Kha thum sung income nei napi a sawm-a-khat a khia lo te pen amah leh amah pawlpi pan a tawp in kiciamteh ding a, pawlpi tawh kisai bangmah benefit ngahna neilo ding hi.
5. Pawlpi sung pan a tawp mi khat peuhpeuh in pawlpi neihsa a kipan thu leh la khat peuh tawh kisai lo ding hi.
ARTICLE – VI
PAWLPI MITE NGAHTHEIH HAMPHATNA
1. Pawlpi mi kum (18) pan atungsiah (tuiphumsa zong hi ding) in kitel ciangin vote khiathei ding hi.
2. Nopna vai-ah kiuap ding hi.
1. Pawlpi sung pan khangnote I Biakinn zangin Siangtho kitenna nei aom leh pawlpi in Lungdam pihna $500.00 kipia ding hi.
2. Pawlpi dang tawh kitengin Siangtho kitenna aneihleh Lungdam pihna $100.00 kipia ding hi.
3. Dahna vai-ah kiuap ding hi.
1. Pawlpi mi khat deihloh penin sihna atuah leh lei-ah phum ciang kipanpih ding hi (A tung zepna kihel lo).
2. Han leitang Pawlpi Upate vaihawm sakna bangbang hi ding hi.
3. Mungdang khatah pawlpi mite innkuanpih khat (Pianna Nu leh Pa, Ta leh pianpih laigui kizom sanggamteng) in deihlohpenin sihna atuah leh pawlpi min tawh niangtui tawi-in sidelhna, tutpihna kinei dinga, avui ni-in hun bawlpihin, pawlpi in sigalna $100.00 kipia ding hi.
4. ZBC pawllutlo Zomi khat Portland khua-ah asih leh (Khualpan leh pawlpi dangte) Pawlpi in sigalna $100.00 kipia ding hi.
5. Nausuakthak khat nipi kal (1) sungin nu leh pate’n pawlpi lutna neisak ding hi.
4. Damlohna tawh Pawlpi mikhat zan (2) pan a tungsiah zato alup leh pawlpi EC a hithei tengin thungetna vaneihpihin natvehna $100.00 kipia ding hi.
5. Pawlpi mi khat peuh dongtuak a om a, pawlpi sum leitawi nuamin hong nget leh, nasep nei mi (2) mawhpuak pih ngam ding zong ding a, EC thukimna tawh $1500.00 ciang kileitawi sak dinga, kha (6) sungin lohkik ding hi.
ARTICLE VII: MEETING TUAM TUAM TE
1. Annual Meeting (Kumcin meeting) General Meeting
i) Kumkhat khat vei ki nei ding hi.
ii) Akisap leh emergency kisam thei ding hi.
2. Church Council meeting: Makai khempeuh meeting
i) Kumkhat in thumvei bang kisam thei ding hi.
ii) Akisap leh a hun hun in kisam thei ding hi.
3. Executive Committee (Makai bul) Meeting:
i) Akisap hun hun kisam thei ding hi
ii) Thu kisam khat peuh peuh a om leh ki geel ding hi.
iii) Pastors leh Upate, leh Department tuam tuam pan a President leh Secretary te hi ding hi.
4. Office Bearers (OB) (Panmun bul) Meeting
i) A hun zui in kisam thei ding hi.
ii) Pastors leh Upa bul te hiding hi.
ARTICLE VIII: MEETING SAPZIA LEH PAIZIA DING:
1. Pastor, president leh Secretary kikum in secretary in meeting sam ding hi.
2. Agenda khat peuh peuh pastor, President leh Secretary te in ong geel ding hi.
3. Upa lam pan agenda thak a om leh pastor, President leh Scretary te tawh kikum khawm ding hi.
4. Meeting pen president in makaih ding a, secretary in recording sem ding hi. A zen zen in meeting hunah president or vice president khat peuh peuh a om kei leh pastor in acting chairman min tawh meeting makaih ding hi.
5. Meeting a kisap khit nak leh a om zah zah tawh meeting kipan thei ding hi.
ARTICLE IX: DEPARTMENT COMMITTEE MEETING
1) Youth Committee meeting
2) Women Committee meeting
3) Children Education Meeting
Hih Department committee te ah Pastor, President leh Secretary member hi den ding hi.
ARTICLE X: STANDING COMMITTEE MEETING
1) Building Committee
2) Budget Committee
3) Magazine Committee
4) Nomination Committee
5) Music Committee
6) Mission Committee
7) Store Committee
8) New Vision Committee
*Akisam a om leh a hun zui in geel theih ding hi.
ARTICLE XI: MEETING TUAM TUAM TE THUNEIH NA
1. Annual General Meeting (mipi) te nasep.
i) Kumkhat sung nasepna thupi te tangkona nei ding hi
ii) Pastor khasum te enpha thei ding.
iii) Term cing panmun lente geelna nei ding.
iv) Kumkhat sung sumlut leh sumzatna te pulaak ding.
2. Church Council meeting nasep:
i) Kumcin ma a pawlpi khantohna ding thute vaihawm ding
ii) Akisam bangin pawlpi khantohna ding geel ding.
3. Executive Committee Meeting Nasep
i) Pawlpi sung a a kisam bang bang vaihawm ding
ii) Vai thupi khat peuh peuh geel ding
4. Office Bearers Committee meeting nasep
i) Pawlpi sung thu khempeuh thei masa ding
ii) Pasian deihna leh lamlahna tawh Pawlpi a ding vaihawm den ding.
iii) Pawlpi vaihawmna peuh peuh ah pawlpi sia leh OB ten vaihawm khawm den ding.
iv) Pawlpi sung nasepna peuh peuh ah Sia leh OB te theihpih (thukimpih) hi hamtang ding hi.
ARTICLE XII: MAKAI KOIH ZIA DING
Pastor Koih zia ding
1. Church Pastor
2. Assistant Pastor
3. Youth Pastor
4. Women Pastor
Office Bearer Upa koih zia ding
1. President
2. Vice President
3. Secretary
4. Assistant Secretary
5. Treasurer
6. Accountant
*Pawlpi khanna tawh kizui in geel ding.
EC (Executive Committee) Member koih zia ding
1. Pastor leh OB member teng
2. Khangno Youth Department pan president leh Secretary
3. Nupi Pawl Women Department pan President leh Secretary
4. Sunday School Department pan Director leh Asst. Director
5. Department khempeuh pana President & Secretary (gtn: Building, Mission, adg.)
Church Council Member koih zia ding
1. A tung a EC members khempeuh leh
2. Pawlpi sungah panmun/mawhpuakna nei khempeuh
Youth (Khangno) koih zia ding
1. President
2. Vice President
3. Secretary
4. Assistant Secretary
5. Treasurer
6. Accountant
Women Koih zia ding.
1. President
2. Vice President
3. Secretary
4. Assistant Secretary
5. Treasurer
6. Accountant
ARTICLE XIII: MAKAI KITEL ZIA DING
1. Pastor leh Nomination committee in candidate ding mi geel masa ding hi.
2. Pastor leh Nomination Committee te ii candidate te mipi in teel ding hi.
3. Mipi teel khiat OB ding te pen pastor makai in amau sungah panmun (president, secretary sumkem leh a dang teng) kiseh ding uh a, kisehna tawh thukimna a om zawh kei leh secret ballot tawh a panmun ding uh, lai (mee) sawk ding uh a, a sawk khak pen pen uh panmun sem ding uh hi.
4. Department makai ding pen pastor makai in OB in seh ding hi
5. Kiteel zia tawh kisai in pastor makaih dan dan tawh kalsuan to ding hi.
ARTICLE XIV: TEEL THEIH DING UPA TE
1. Pasian thu ah a picing mi hi ding hi.
2. Sawm-a-khat maan takin a khia te bek hi ding hi.
3. Pumpi sianthona a neite (kham theih guih theih akidek zo mi) hi ding hi.
4. Innkuan sung a makaih zo mite hiding hi.
5. Pastor te leh makai dang te tawh a kithuah thei te hi ding hi.
6. Pawlpi member a lut zawh kha 6 hi ding hi.
ARTICLE XV: TERM NEIH DING DAN
1. Upa term pen term khat kum 2 hi ding hi.
2. Upa term 2 a sep khit uh ciang in Upa bul ahi president leh secretary te amau panmun ah term khat sung tawlnga phot ding a, a dang panmun ah kiteel thei ding hi.
3. Term khat a bei ciangin Upa bul OB teng lak pan mi 3 khawl in mi 3 in sem paisuak ding a, mi 3 kiteel thak ding hi. Teel thak mi thum te leh a omlai mi 3 teng in a panmun ding uh Pastor makaihna tawh kiseh ding uh a, kisehna tawh aki thukim zawh kei uh leh a panmun ding uh secret ballot tawh mee sawk ding uh a, a sawk khak peuh peuh uh panmun sem ding uh hi.
4. Department tuam tuam te term khat kum 1 hi ding hi.
5. Upa kiteel hun pen December khasung nipi (last Sunday) kaltawp ni pen hi ding hi.
ARTICLE -XVI: PANMUN ZUI A TAVUAN NEIHNA
A. PASTOR
1. Pastor in Pawlpi vai khempeuh ah kha thu leh taksa thu ah Laisiangtho tawh kituak in makaih ding hi.
2. Pawlpi khantohna dingin vision hoih no no geel ding a, pawlpi upa makai te tawh semkhawm ding hi.
3. Pawlpi sung leh pawlpi pua kizopna khempeuh ah palai sem in khangto sak ding hi.
B. PRESIDENT:
1. Pawlpi sung thu kisam te ah pastor tawh kikum in vaihawm ding.
2. Thu kikup hun ciang in meeting ah chairman sem ding hi.
3. Thu khentat ding a om ciang in a lang leh a lang vote a kikim leh bek vote pia thei ding hi.
4. Pawlpi sung khantohna ding in hanciam in kalsuan ding hi.
5. Pawlpi neihsa van khempeuh keem ding hi.
C. Vice-PRESIDENT:
1. President a omloh ciang in a kisam mun ah panmun la thei ding hi.
2. President a omloh ciang in meeting ah chairman sem ding hi.
D. SECRETARY:
1. Pawlpi sung thukisam te pastor tawh kithuah in vaan ding hi.
2. Meeting hun ciang in recording secretary sem ding hi.
3. Vaihawm thukhensat te ciamteh ding hi.
4. Pawlpi neihsa vangil te sazian limtakin bawl ding hi.
E. ASSISTANT SECRETARY:
1. Secretary a om loh ciangin akisam mun ah atangin ding thei ding hi.
2. Akisam mun ah Secretary huh ding hi.
F. TREASURER:
1. Pawlpi sum leh sum sazian limtakin kem ding hi.
2. Mei, tui, guta, gal le sa tuak cih loh buang in sum akisap leh loh ding hi.
3. Ahun zui in sazian sit te muhna bangin lungkim thei ding hi.
4. Sum zatna ding a om leh makaite theih pihna tawh zang ding hi.
G. ACCOUNTANT:
1. Sum sazian khempeuh a lut, a pusuak leh a omlai khempeuh hoihtakin sazian bawl den ding hi.
2. Sum zatna receipt khempeuh kem ding hi.
3. Sum sazian kha (6) khatvei Pawlpi mikhempeuh tungah zasakin laidal tawh ettheih dingin hawm ding hi
ARTICLE XVII: BOARD OF TRUSTEE VAI:
Board of Trustee member ding a pawlpi in a sehte in haksatna tuam tuam, lemlohna (sihna, pawltaina, mundang ah kisuanna etc) a om kei nak leh hong sem suak to to ding uh hi. Trustee members te pen OB ah kihel den ding uh hi. Zuih ding te:-
1. Pawlpi van, sum leh sum sazian limtakin kem ding hi.
2. Mei, tui, guta, gal le sa tuak cih loh buang in sum akisap leh loh ding hi.
3. Ahun zui in sazian sit te muhna bangin lungkim thei ding hi.
4. Sum zatna ding a om leh makaite theih pihna tawh zang ding hi.
ARTICLE XVIII: SUM VAI TAWH KISAI
A. SUM NGAH NA DING TE
1. Sawm-a-khat pan ngahna
2. Nipi sim citpiakna pan ngahna
3. Upna kamciam pan ngahna
4. Pawlpi Department tuam tuam pan ngahna
5. Mun tuam tuam pan ngahna
B. SUM ZATNA DING TE
1. Pastor te khasum (Khua hun leh pawlpi khan zui in khasum kipia ding hi)
2. % tawh Kizopna sum (Contribution)
3. Zum nasepna
4. Building sepna
5. Mission sepna
6. Pawlpi Department tuam tuam nasepna
7. Akisam zui a zat ding te
ARTICLE – XIX: ZIN LEH LENGLA DONA
1. Gospel hong painuamte lungdam tak-in kisang ding hi.
2. Hongpai ding peuhmah in Pastor, President, Secretary te tungah nipi kalkhat ma-in zasak masa hamtang ding hi.
3. Lovegift: US gampua (gamdang) khatpan hongpai-te $200.00, US gamsung State dang pan hongpaite $100.00 kipia ding hi. Gamdang pan ahiphial zongin Pawlpi tawh kithuza masa lo-a hongtung khat hun I piak leh love gift $100.00 kipia ding hi.
4. Pastor, President, Secretary te theihpihna tawh hun kipia bek ding hi.
5. Gospel vak sia khatpeuh a pailam leh a ciahlam ZBC pawlpi-ah hun hong neihkik leh pawlsum piakkik omnawnlo dinga, kikhop hun sungin Pawlpi mite tungpan sumpi kidonsak ding hi.
6. Group hi in mimal hita leh akibang in Gospel peuhmah gampua $200.00, gamsung State dangte $100.00 leh Oregon sung pan $50.00 kipia ding hi.
PUAHPHAT NOPNA THU:
Atung a thukhun leh dan te pen pawlpi mimal tam leh tawm tawh kizui in zat zawh pah om ding a, zat zawh pah loh zong om ding hi, a kisam dan leh khantohna tung tawn in kigeel to to ding hi.
Hih a tunga thu sung a omlo te akisam bang in meeting minutes tawh kikal suan thei ding hi.
